முக்குலத்தோரின் தோற்றம் பற்றிய புனைவும், உண்மையும்

கள்ளர்,மறவர்,அகமுடையார் தமது தோற்றம் பற்றி கூறும் விளக்கங்கள்

@@@@@@@@@@@@@@@@@@@@@@@@@@@@@@@@@@@
* முக்குலத்தோர் தோன்றிய இடம்: 

முக்குலத்தோர் பிறப்பிடமும் தமிழ் மொழியின் பிறப்பிடமும் குமரிக்கண்டம் தான். அக்கண்டம் நீரில் மூழ்கிப் போனது. முச்சங்க வரலாற்றாலும், சிலப்பதிகார உரைகள் மூலம் தெரியலாம். திரு. பி.டு. சீனிவாசய்யர், திரு சேசையர் திரு. இராமச்சந்திர தீட்சிதர் போன்றோரின் வரலாற்று நூல்கள் வாயிலாகவும், தேவநேயப் பாவாணர் எழுதிய "முதற்தாய் மொழி" வாயிலாகவும், நாம் நன்கறிகிறோம். தமிழன் தோன்றிய இடம் குமரிக்கண்டம், கையாண்ட மொழி தமிழ் திராவிட மொழியாகும். பல்லாயிரம் ஆண்டுகளுக்குப் பின் படிப்படியாக வளர்ந்த tamilar , புகழின் உச்சக்கட்டம் எட்டினர். பழந்தமிழ் நாட்டை உலகிற்குச் சுட்டிக் காட்டினர்.

சடையவர்மன் அதிவீரராம பாண்டியன் கி.பி. 1564 முதல் 1604 வரை பாண்டிய நாட்டினை ஆட்சி செய்த மன்னனாவான். நெல்வேலி மாறனின் முதலாம் மகனாவான். அழகன் சீவலவேள் என்ற பெயரினைப்பெற்ற இவன் தனது தந்தையில் நினைவாக தென்காசியில் குலசேகரமுடையார் ஆலயம் அமைத்து விண்ணகரம் ஒன்றினையும் அமைத்தான். சிவனிடன் பக்தியுடைய இம்மன்னன் சிறந்த புலவனும் ஆவான். தமிழில் மிகுந்த பற்றுடன் இருந்த இம்மன்னன் வடமொழியிலும் தேர்ச்சி பெற்றவன் கூர்ம புராணம், வாயுசங்கிதை, காசிகாண்டம், இலிங்க புராணம், நறுந்தொகை ஆகிய நூல்களினை இயற்றிய பெருமையினையும் உடையவனாவான் இம்மன்னன். வடமொழி நூலான 'நைஷதம்' என்னும் நூலினை 'நைடதம்' என மொழி பெயர்த்த ..இவன் வெற்றிவேற்கை எனும் தமிழ் நூலையும் எழுதி உள்ளன்.

* வெற்றிவேற்கை எனும் தமிழ் நூல் நீதி நூல் ...அதில் நீதி மட்டும் போதிக்காமல் ஒரு சரித்திர உண்மையையும் கூறி உள்ளார் . அதை காண்போம் .

''இருவர் தம் சொல்லையும் எழுதரம் கேட்டே

இருவரும் பொருந்த உரையார் ஆயின்

மனு முறை நெறியின் வழக்கு இழந்தவர் தம்

மணமுற மருகி நின்று அழுத கண்ணீர்

முறையுறத் தேவர் மூவர் காக்கினும்

வழி வழி ஈர்வதோர் வாள் ஒக்கும்மே.''

பொருள் : வழக்கு தொடுத்தவர் அதனை மறுப்பவர் இருவர் கூற்றையும் எழு முறை கேட்டு அவை பொருந்த வராமல் நீதி முறையாக கிடைக்க வில்லையானால் வழக்கை இழந்தவர் அறம் பிறழா மனதுடன் நின்று அழுத கண்ணீர் அறமுறை பிழையாது நீதி வழங்கும் ஆற்றல் மிக்க தேவர் மூவர் { சேர , சோழ ,பாண்டியர் } காக்கினும் . அந்த கண்ணீருக்கு காரணமானவர் வழி வழி தோன்றும் வாரிசுகளையும் அழிக்கும் வாளாகும். இந்த பாடலை இயற்றியவர் ஒரு பாண்டிய மன்னராவார். அவர் தேவர் மூவர் என்று சேர , சோழ பாண்டியரை விளித்து இருப்பதால் மூவரசரும் தேவர் அதாவது முக்குலதோர் என்று ஒப்புதல் வாக்குமூலம் கொடுத்துள்ளார் .எனவே, தற்க்காலத்தில் சிலர் மாறுபட கூறி வருவது முக்குலதோர் மீது உள்ள காழ்ப்பு உணர்ச்சியால் என்பதை அறியலாம் .. 

இதில் முறையுறத் தேவர் மூவர் என்பதில் பொதுவாக முப்பெரும் தேவர் என சிவன் ,திருமால் , பிரமன் இவர்களை குறிக்கும் ... மூவர் என்பது தமிழில் பொதுவாக சேர , சோழ ,பாண்டியரை குறிக்கும் . ஆனால் இதில் முறையுற என்பதை கவனிக்க வேண்டும் . அதாவது நீதி நெறி வழுவாமல் காப்பாற்றுவது அரசர்களை குறிக்கும் ..

எடுத்துக்காட்டாக

"முறை செய்து காப்பாற்றும் மன்னவன் மக்கட்கு 

இறை என்று வைக்கப்படும் ."

எனும் திருக்குறள் வாயிலாக அறியலாம் .

இந்த பாடலை இயற்றியவர் ஒரு பாண்டிய மன்னராவார்.

அவர் தேவர் மூவர் என்று சேர , சோழ பாண்டியரை விளித்து இருப்பதால்

மூவரசரும் தேவர் அதாவது முக்குலதோர் என்று ஒப்புதல் வாக்குமூலம் கொடுத்துள்ளார. கொங்கு என்றால் தேவர்கள் தேன் சொறிந்த நாடு என பொருள். தலை சிறந்த தமிழகத்தில் சேர,சோழ,பாண்டியர் எனும் உற்ற சகோதரர்கள் ஆட்சியில் சமதர்மம் , ஜனநாயகம், சன்மார்கம் யாவும் தலைத்தோங்கி நின்ற காலத்தில் ஒரே குலம் ஒருவனே தேவன் என உலகை படைத்த பார்வதி பரமசிவன் நாமம் பாடி உழவு துறைக்கு முதலிடம் கொடுத்தார்கள். மேற்கே திருவிதாங்கூர், கிழக்கே திருவாரூர், வடக்கே திருவேங்கடம், தெற்க்கே திருமதுரை வரை மன்னன் சேரன் தலைமையில் யாவரும் ஒன்று பட்டு திருப்புகழ், தேவார தெய்வ வழிபாடு பட்ட கவிஞர்களுடன் சிற்பிகள் ஒன்றினைந்து ரத, கஜ, துரக, பாதிகளைக் கொண்டு சிவாலயங்களும், விஷ்ணு ஆலயங்களும் கி.பி. ஆறாம் ஙூற்றாண்du அமைக்கப்பட்டது. சேர மன்னனின் துணை கொண்டு நதிகளுக்கு கரைகளும், கற்களை கொண்டு அணைகள் கட்டினர்கள். காவிரி நதியை தாயாக கொண்டு கொங்கு நாட்டின் சேக்கிழார் வம்ச உழவர் பெருமக்கள் நான்கு லட்சம் பேர் திருவாரூரில் தியாகராஜேஸ்வர் ஆலயம் அமைய ஆவண செய்தார்கள்.

@@@@@@@@@@@@@@@@@@@@@@@@@@@@@@@@@@@

மேற்ப்படி விளக்கங்களுக்கு எமது மறுப்புரைகள்

     தமிழன் தோன்றியது, ஏன் உலகின் முதல் மாந்தன் தோன்றியது கடலில் மூழ்கிப் போன ‘லெமூரியாக் கண்டம்’’ என்பதை தேவநேயப் பாவாணர் மிக விளக்கமாகத் தெளிவுபடுத்தி விட்டார். எனவே, இதற்கு புது விளக்கம் எதுவும் தேவைப்படவில்லை. 

     ஆனால்,கள்ளர்,மறவர்,அகமுடையார் என்போர் தமிழர் தானா என்பதுதான் சற்று சிந்திக்க வேண்டிய விசயம். ஏனெனில், கள்ளர் மற்றும் மறவர் என்ற இனக்குழுக்களின் முழுமையும், அகமுடையார் இனத்தின் ஒரு சிறிய பகுதியும் பூர்வீகத் தமிழர்கள் என்பதற்கு போதுமான ஆதாரங்கள் இல்லை. அவர்கள் அப்படி இருக்கும்பட்சத்தில், சங்க இலக்கியத்தில் அவர்கள் பற்றிய அடையாளம் கண்டிப்பாக இருந்திருக்கும். ஆனால், சங்க இலக்கியமானது தமிழ்த்தலைக்குடியான மள்ளர்தம் மாட்சிமை பெற்ற வாழ்க்கையையும், பிற தமிழ்க்குடிகளின் வாழ்க்கை முறையையும் காட்டும்போது, கள்ளர் மற்றும் மறவர் பற்றிய ஏதும் குறிப்பிடவில்லை (கவனிக்க: முக்குலத்தோர் என்பவர் யார்?, மறவர் யார்?, யார் வந்தேறி?) நெல்வேலி மாறன் மற்றும் அவனது மகன் இருவரும் மள்ளர்குல பாண்டிய வேந்தர்கள் என்பதை (திருநெல்வேலி: நெல்லையப்பர் கோவிலும், நெல்லின் மக்களும்) என்ற பதிவின் மூலம் தெரிந்துகொள்ளலாம்.

     ‘தேவர்’’ என்ற பட்டத்தை வைத்து மூவேந்தர்களை தற்கால ‘முக்குலத்தோர்’’ இனத்தைச் சார்ந்தவர்கள் என்று சொல்வது உண்மையில் முட்டாள்தனமான விசயமாகும்.(பார்க்க:'தேவர்' பட்டமும், முக்குலத்தோரின் பொய்களும்) ஏனெனில், தேவர் என்பது தனிநபர் பட்டமேயன்றி, அது சாதியைக் குறிப்பிடுவது கிடையாது. உண்மையில், சேரர், சோழர், பாண்டியர் மூவரும் தமிழ்த்தலைக்குடியான பள்ளர்(மள்ளர்)குடியைச் சார்ந்தவர்கள்.

    சோழன் குளமுற்றத்துத் துஞ்சிய கிள்ளிவளவன் பற்றி வெள்ளைக்குடி நாகனார் பாடிய சங்கப்பாடல்:

    "மண்திணி கிடக்கைத் தண்தமிழ்க் கிழவர்

    முரசு முழங்கு தானை மூவர் உள்ளும்

    அரசு எனப்படுவது நினதே பெரும"  (புறநானூறு 35:3-5)

பொருள்: ...... மண் செறிந்த உலகத்தில், (அருள்மிக்க) தமிழ்த்தலைமகன்களான, முரசு ஒலிக்கும் படை பொருந்திய மூவேந்தருள்ளும் அரசு என்று பாராட்டிச் சொல்லப்படுவது நின் அரசே! பெரும!

     இப்பாடலில் உள்ள ‘கிழவர்’’ என்பது மருதநிலத் தலைமகனான மள்ளனைக் குறிக்கும் சொல்லாகும். ‘தமிழ்க் கிழவர் மூவர்’’ எனும்போது அது மருதநிலத் தலைமகன்களான மூவேந்தரைக் குறிக்கும். எனவே, மூவேந்தரும் பள்ளன்(மள்ளன்) என்பது தெளிவாகிறது.

இதனை திவாகர நிகண்டு கீழ்கண்டவாறு விளக்குகிறது.

306     "மருதநிலத் தலைமகன் பெயர் (3)

        ஊரன், மகிழ்நன், கிழவன் என்று இவை

        சாலி மருதத் தலைமகன் பெயரே".

இங்கு ‘சாலி’ என்பது நெல்லைக் குறிக்கும். ‘சாலி மருதத் தலைமகன்’ என்பது நெல் வளநாட்டு தலைமகன் என்பதாகும்.